Ихэнх тохиолдолд сэтгэл зүйн зөвлөгөөнд хамрагдаж эхлэх эсвэл сэтгэл зүйн зөвлөгөөний цаг авах эхний алхам хийх нь амаргүй байдаг. Манай байгууллага энэхүү үйл явцыг аль болох хялбар болгохыг хичээдэг. Доорх мэдээллээс сэтгэл зүйн зөвлөгөө авч эхлэх үйл явцын тухай дэлгэрэнгүй уншиж танилцаарай. Түүнчлэн та түгээмэл асуугддаг асуултуудын хариултыг авах болно.

Хэрвээ та FSC-тэй холбогдож, сэтгэл зүйн зөвлөгөө авч эхлэхийг хүсвэл 847-920-5835 дугаараар оффисын менежер Рэйчел, Нэнситэй (англи хэлээр) эсвэл 847-920-5835 дугаараар сэтгэл зүйч Золатай (монгол хэлээр) холбогдоно уу.

Сэтгэл зүйн зөвлөгөөнд хамрагдаж эхлэх алхмууд

1. Анхан шатны бүртгэл: Та манай байгууллагын ажилтантай утсаар холбогдож, эхний бүртгэлийг хийлгэх боломжтой. Тухайн дуудлагын үеэр бүртгэлийн зохицуулагч таны хүн ам зүйн мэдээлэл, зөвлөгөөнд хамрагдахыг хүсч буй шалтгаан болон зөвлөгөө авах боломжтой цаг зэргийг асууж тодрулна. Тухайлбал:

• Овог нэр, холбогдох дугаар гэх мэт
• Зөвлөгөөнд хамрагдах боломжтой өдөр, цаг
• Зөвлөгөөний хэлбэр (биечлэн эсвэл цахим)
• Ямар хэл дээр зөвлөгөө авах хүсэлтэй байгаа (Англи эсэл Монгол)
• Эрүүл мэндийн даатгалаар үйлчлүүлэх эсвэл дүйцүүлэн тооцох байдлаар төлбөрөө төлөх эсэх

2. Маягтууд бөглөх: Эхний уулзалт эхлэхээс өмнө таны и-мэйл хаягаар шаардлагатай маягтууд илгээгдэнэ.Түүнчлэн та маягтуудыг хэрхэн бөглөх тухай зааврыг хүлээн авах болно. Та тэдгээр маягтуудыг анхааралтай уншиж, бөглөөд, гарын үсгээ зурж баталгаажуулах шаардлагатай.
3. Эхний уулзалтын тов болон баталгаажуулалт: Уулзалтын цаг товлох үйл явц нь төрөл бүрийн хүчин зүйлсээс хамаарч харилцан адилгүй хугацаанд явагддаг. Бид ихэвчлэн ажлын 3-5 хоногийн дотор таны уулзалтын цагийг товлож, тантай утсаар холбогдож баталгаажуулуулдаг. Түүний дараагаар та уулзалтын товийг сануулах и-мэйл эсвэл текст мэссэжийг хүлээн авах болно. Одоогоор нэг л сэтгэл зүйч Монгол хэл дээр зөвлөгөө өгч байгааг анхаарна уу.

Сэтгэл зүйн зөвлөгөөний үйл явц:

Сэтгэл зүйн зөвлөгөө нь үйлчлүүлэгчдид тулгараад байгаа асуудлыг шийдвэрлэх, амьдарлын аль нэг эсвэл хэд хэдэн хэсгийн сайжруулахын тулд явагддаг динамик үйл явц юм. Үйлчлүүлэгчийн хэрэгцээ, шаардлагаас шалтгаалж үйлчилгээний зорилгыг тодорхойлдог. Та сэтгэл зүйн зөвлөгөөнд хамрагдаж эхлэхээсээ өмнө дараах зүйлсийг санахад илүүдэхгүй. Үүнд:

• Сэтгэл зүйч таниас зөвлөгөөнд хамрагдах болсон шалтгаан, зорилго, таны тухайн үеийн сэтгэл хөдлөл, бодолтой холбоотой асуултуудыг асуудаг.
• Та сэтгэл зүйчээсэээ зөвлөгөө/эмчилгээтэй холбоотой асуултаа асууж, тодруулах эрхтэй.
• Сэтгэл зүйч танд тулгараад байгаа асуудлыг шийдвэрлэх сэтгэл зүйн шинжлэх ухааны онол арга зүйд дээр тулгуурласан арга барил, ур чадваруудыг суралцахад тусладаг.

Сэтгэл зүйн зөвлөгөөний төрлүүд

Нэг удаагийн консултинг

Нэг удаагийн консултинг нь шийдэлд тулгуурлсан зөвлөгөөний хэлбэр юм. Энэхүү үйлчилгээ нь дараах онцлогуудтай. Үүнд:

• Мэргэжлийн сэтгэл зүйчтэй хийгдэх нэг удаагийн нэг цагийн уулзалт.
• Үйлчлүүлэгч өөрт тулгараад байгаа асуудлуудаа ойлгож, бодит шийдлүүдийг, түүндээ хүрэх жижиг алхмуудыг тодорхойлоход чиглэгдсэн.
• Үйлчлүүлэгчийг өөрийн дотоод сэтгэлийн хүч, нөөц боломж, ур чадвараа тодорхойлоход чиглэгдсэн.
• Нэг цагийн уулзалтын дараа сэтгэл зүйч таны асуудлаа шийдвэрлэх “төлөвлөгөөний хуудсыг” илгээнэ. Ингэснээр та уулзалтын үеэр тодорхойлсон алхмуудаа хэрэгжүүлж, асуудлаа бодитоор шийдвэрлэх боломжтой болно.

Богино хугаацааны сэтгэл зүйн зөвлөгөө

Шийдэлд тулгуурласан богино хугацааны зөвлөгөө нь үйчлүүлэгчийг сэтгэл зүйн асуудлаа тодорхойлох, шийдвэрлэхэд нь туслах мэргэжлийн үйлчилгээ юм. Энэхүү зөвлөгөөний хэлбэр нь дараах онцлогуудтай. Үүнд:

• Мэргэжлийн сэтгэл зүйчтэй 2-8 удаагийн уулзалт хийгдэнэ.
• Шийдэлд тулгуурласан богонио хугацааны зөвлөгөөний онол, арга зүйг ашигладаг. Энэхүү зөвлөгөөний хэлбэр нь ирээдүй цаг дээр, зорилго дээр төвлөрдөг ба үйлчлүүлэгчийг амьдралдаа эерэг өөрчлөлтүүдийг гаргахад дэмждэг.
• Үйлчлүүлэгчид тулгараад байгаа зан үйлийн асуудлуудыг ойлгох, тэдгээрийг шийдвэрлэх бодит алхмуудыг тодорхойлоход чиглэгдсэн.
• Үйлчлүүлэгчийг дотоод сэтгэлийн хүч, нөөц боломж, ур чадваруудаа ойлгож, тэдгээрийг өөрчлөлт хийх төлөвлөгөөндөө ашиглахад чиглүүлдэг.

Урт хугацааны сэтгэл зүйн зөвлөгөө: 

Хэрвээ та урт хугацаацааны сэтгэл зүйн зөвлөгөөний үйлчилгээнд хамрагдахыг хүсвэл бидэнтэй холбогдоорой. Бид урт хугацааны сэтгэл зүйн ганцаарчилсан, гэр бүлийн, хосуудын зөвлөгөөний үйлчилгээг үзүүлж байна.

Төлбөр болон даатгал

Даатгал: Манай байгууллага олон төрлийн эрүүл мэндийн даатгалыг хүлээн авдаг. Тухайлвал, Blue Cross/Blue Shield PPO, Aetna, Cigna, Medicare and United Health Care/United Behavioral Health/Optum зэрэг эрүүл мэндийн даатгалуудыг хүлээн авдаг. Та эхний бүртгэлийн үеэр даатгалын мэдээллээ бидэнд хэлснээр, бид таны даатгалыг хүлээн авах боломжтой эсэхийг баталгаажуулна.

Төлбөр: Хэрвээ та эрүүл мэндийн даатгалгүй, эсвэл Medicaid хэрэглэдэг, эсвэл бид таны даатгалыг хүлээн авах боломжгүй бол, та дүйцүүлэн тооцох төлбөрийн ангилалд хамрагдах боломжтой. Дүйцүүлэн тооцох төлбөр нь үйлчлүүлэгчийн өрхийн орлого, ам бүлийн тоо зэрэг дээр үндэслэгдэн тооцоологдоно. 

Хэрвээ танд эрүүл мэндийн даатгал болон төлбөртэй холбоотой ямар нэг асуулт байгаа бол бидэнтэй холбогдон уу.

Сэтгэл зүйн зөвлөгөөний уулзалт хэр удаан үргэлжилдэг вэ?

Сэтгэл зүйн зөвлөгөөний ганцаарчилсан уулзалт ихэвчлэн 45-60минут үргэлжлилдэг. Хосын болон гэр бүлийн зөвлөгөө нь ихэвчлэн 60-90 минут үргэлжилдэг. Зөвлөгөөний уулзалт нь ихэвчлэн 7хоногт 1 удаа товлогддог. Гэсэн хэдий ч үйлчлүүлэгчийн хэрэгцээ, шаардлагаас шалтгаалан уулзалтын давтамжийг тодорхойлж болно.

Сэтгэл зүйн зөвлөгөөнд хамрагдах нь ямар ашиг тустай вэ?

Сэтгэл зүйн зөвлөгөөний үйл явцад бүрэн хамрагдсанаар үйлчлүүлэгчийн сэтгэлийн зовиурыг мэдэгдэхүйц бууруулах, хүмүүс хоорондын харилцаанд сэтгэл ханамжийг нэмэгдүүлэх, хувийн мэдлэг, ойлголтыг нэмэгдүүлэх, стрессийг удирдах, тодорхой асуудлуудыг шийдвэрлэх ур чадварыг ашиглах итгэлийг нэмэгдүүлэх зэрэг олон эерэг үр дүн гарч болно. Боломжит эерэг үр дүнтэй ч гэсэн үйлчлүүлэгчид амьдралын тааламжгүй талуудын талаар ярилцах шинж чанараас шалтгаалан уулзалтын үеэр таагүй мэдрэмжийг мэдэрч болно гэдгийг анхаараарай.

Хувь хүний нууц болон эрүүл мэндийн мэдээллийн нууцыг хадгалдаг уу?

Зөвлөгөөний туршид үйлчлүүлэгчийн нууцлал, итгэлцэл нь FSC-ийн хувьд хамгийн чухал ач холбогдолтой. Бид хуулийн дагуу үйлчлүүлэгчийн хувийн мэдээлэл, эрүүл мэндийн мэдээлэл, FSC-ийн үйлчилгээтэй холбоотой бүртгэл мэдээллийг нууцлалтай хадгалах бөгөөд хэд хэдэн үл хамаарах зүйлийг эс тооцвол үйлчлүүлэгчийн бичгээр өгсөн зөвшөөрөлгүйгээр ямар ч мэдээллийг задруулахгүй. Үйлчлүүлэгчид зөвлөгөөний явцад сэтгэл зүйч/сэтгэл засалчтайгаа нууцлалтай холбоотой аливаа асуулт, санаа зовоосон асуудлаа ярилцах нь боломжтой.

Хэрвээ танд үйлчилгээтэй холбоотой асуултууд байгаа бол бидэнтэй холбогдоорой